Raza Musani 
اسلام آباد : وزیر خارجہ اسحاق ڈار نے کہا ہے کہ آئندہ ہفتے مکہ معاہدے کے تحت ہنگامی اجلاس ہوگا۔ اسلام آباد میں پریس کانفرنس کرتے ہوئے اسحاق ڈار نے کہا کہ ہم میں سے کوئی بھی نہیں ہوگا جو حرمین شریفین کیے لیے جان قربان کرنے کو تیار نہ ہو اگلے ہفتے مکہ معاہدے کے تحت ہنگامی میٹنگ ہوگی جس میں تازہ صورتحال کا جائزہ لیا جائے گا، اس وقت سعودی عرب میں جو حالات ہیں وہ ہنگامی میٹنگ میں زیر غور آئیں گے۔
نائب وزیر اعظم و وزیر خارجہ نے کہا کہ 6 سے زائد ممالک مکہ مکرمہ ڈیفنس پیکٹ میں شامل ہونا چاہتے ہیں۔
انہوں نے کہا کہ سعودی عرب پر 17 سے 18 حملے ہو چکے ہیں، ہم سعودی عرب کے دفاع کے پابند ہیں۔ اسحاق ڈار نے مزید کہا کہ اقوام متحدہ کا چارٹر بھی اس طرح کے اتحاد کو کارروائی کی اجازت دیتاہے، نیٹو بھی اسی طرز پر کام کر رہی ہے۔
