Raza Musani 
اسلام آباد : پاکستان میں نئے آرمی چیف کے تقرر کا معمہ حل ہونے کے قریب پہنچ گیا۔ پاک فوج کی جانب سے نئے آرمی چیف کی تقرری کیلئے سمری وزیراعظم کو بھیجنے پر صورتحال واضح ہونے لگی ہے۔ پاک فوج کے شعبہ تعلقات عامہ کے مطابق جنرل ہیڈکوارٹرز نے چیئرمین جوائنٹ چیفس آف اسٹاف کمیٹی اور آرمی چیف کیلئے سمری وزارت دفاع کو بھیج دی ہے۔ وزیراعظم ہاؤس نے سمری ملنے کی تصدیق کردی ہے۔ اور کہا ہے کہ شہباز شریف طے شدہ طریقہ کار کے مطابق تقرریوں کا فیصلہ کریں گے۔ سمری میں 6 سینئر لیفٹیننٹ جنرلز کے نام شامل ہیں۔ جس میں سب سے پہلا نام لیفٹیننٹ جنرل عاصم منیر اور پھر لیفٹیننٹ جنرل ساحر شمشاد مرزا کا ہے۔
