Raza Musani 
افغانستان کی طالبان حکومت نے وائس آف امریکا سمیت مختلف یورپی چینلز پر پابندی عائد کردی۔ طالبان حکومت نے پروگراموں کے مواد سے متعلق شکایات پر وائس آف امریکا۔ ریڈیو آزادی اور ریڈیو فری یورپ کی نشریات پر پابندی لگا دی۔ طالبان کی وزارت خارجہ کے ترجمان عبد القہار بلخی نے کہا ہے کہ افغانستان میں پریس قوانین موجود ہیں اور جو نیٹ ورک بھی ان قوانین کی مسلسل خلاف ورزی کرے گا اس سے افغانستان میں رپورٹنگ اور نشریات کا حق واپس لے لیا جائے گا۔ وی او اے اور ریڈیو آزادی ان قوانین کی پابندی کرنے اور پیشہ ورانہ انداز میں نشریات چلانے میں ناکام ہوگئے ہیں اس لیے انہیں بند کردیا گیا ہے۔
