Raza Musani 
دوحہ : فٹبال ورلڈ کپ میں جرمن کھلاڑیوں کے منہ پر ہاتھ رکھنے پر عرب دنیا میں شدید اشتعال پایا جاتا ہے۔ عربی میں جرمنی جاپان کا ہیش ٹیگ ٹرینڈ کرتارہا۔ کئی لوگوں نےمنھ پر ہاتھ رکھنے کو ہم جنس پرستوں کے حقوق کی حمایت، توہینِ آمیز اور اشتعال انگیز قرار دیا۔ کچھ لوگوں نے فیفا سے کھلاڑیوں پر مزید دباؤ ڈالنے کے لیے بھی کہا۔ ایک ٹویٹ میں لکھا گیا کہ آپ ہمارے پاس آئیں تو ہمارے مذہب، ثقافت، روایات اور قوانین کا احترام کریں۔ ورنہ آپ اپنا ہاتھ جہاں چاہے رکھ سکتے ہیں۔ ایک اور صارف نے ٹوئٹ کیا کہ بھوک، غربت، قلتِ آب، اور کئی دیگر عالمی مسائل موجود ہیں اور آپ نے صرف ہم جنس پرستی کو اپنا مقصد بنایا ہوا ہے۔
