Raza Musani 
پشاور: صوبہ خیبر پختونخوا کے قبائلی ضلع شمالی وزیرستان کے علاقے رزمک میں سیکیورٹی فورسز اور دہشتگردوں کے درمیان جھڑپ میں 5دہشت گرد ہلاک اور دو سیکیورٹی اہل کار شہیدہوئے ہیں۔ فوج کے شعبۂ تعلقات عامہ کے مطابق یہ جھڑپ اس وقت شروع ہوئی جب سیکیورٹی فورسز نے انٹیلی جنس معلومات پر دہشت گردوں کے ایک ٹھکانے کو گھیرے میں لیا، جس پر وہاں موجود دہشت گردوں نے سیکیورٹی فورسز پر فائرنگ شروع کردی۔ آئی ایس پی آر نے اپنے بیان میں 5 دہشت گردوں اور ایک سیکیورٹی اہل کار 25 سالہ سپاہی ناصر خان کی ہلاکت کی تصدیق کی ہے۔جبکہ مقامی ذرائع نے بتایا کہ دو سیکیورٹی اہل کار شہیداور 4 زخمی ہوئے ہیں۔
