Raza Musani 
تہران : ایرانی صدر سید ابراہیم رئیسی نے کہا ہے کہ ایرانی عوام کی بصیرت کے نتیجے میں اس بار بھی دشمن کے سارے اندازے اور تخمینے دھرے کے دھرے رہ گئے۔ صوبے خراسان کے جنوبی شہر نہبندان میں عوامی اجتماع سے خطاب میں ایرانی صدر نے سیاسی اور سماجی میدانوں میں عوام کی بھرپور موجودگی کو دشمن کی سازشوں اور فتنوں کی ناکامی کی اصل وجہ قرار دیا۔ انہوں نے کہا کہ مغربی ذرائع ابلاغ میں جاری سرکاری اعداد وشمار کے مطابق ہر سال سینکڑوں خواتین امریکی پولیس کے ہاتھوں قتل کردی جاتی ہیں۔ امریکا اور اس کے اتحادی بے گناہ فلسطینی اور یمنی عوام کے حقوق کی پامالی کو نظر انداز کرکے انسانی حقوق کی حمایت کا دعوی کیسے کر رہے ہیں۔ صدر سید ابراہیم رئیسی نے شیراز کے دہشت گردانہ واقعہ کا ذکر کرتے ہوئے یاد دھانی کرائی کہ داعش جیسا خونخوار دہشت گرد گروہ مغربی طاقتوں نے قائم کیا تھا۔ ایران کے عوام شیراز سمیت دہشت گردی کے واقعات اور عوام کے قتل عام کی وجہ سے ہی امریکا مردہ باد کے نعرے لگاتے ہیں۔
