Raza Musani 
استنبول : انڈونیشیا کے بعد تباہ کن زلزلے نے ترکیہ کو بھی ہلادیا۔ ترکیہ کے مغربی علاقے میں 6 شدت کے زلزلے سے عمارتیں لرز گئیں۔ عمارتوں کے بعض حصے گرنے اور دیھت حادثات میں 40 سے زائد افراد زخمی ہوگئے۔ زلزلے کا مرکزصوبہ ڈوزے کے شہر آئیدن پنار سے 15 کلومیٹر دور ریکارڈ کیا گیا۔اور اس کی گہرائی 2 کلو میٹر زیر زمین تھی، زلزلے کی وجہ سے استنبول شہر کی بجلی معطل ہوگئی۔ زلزلے کے بعد آفٹر شاک کا سلسلہ بھی جاری ہے۔زلزلے کے جھٹکے بلغاریہ، قبرص، یونان، رومانیہ، برطانیہ اور یوکرین میں بھی محسوس کیے گئے۔ادھر انڈونیشا میں زلزلے سے ہلاک افراد کی تعداد 268 تک جاپہنچی ہے۔ کئی زخمیوں کی حالت اب بھی نازک ہے۔
