Raza Musani 
مظفرآباد: آزاد کشمیرمیں اکتیس سال بعد بلدیاتی انتخابات کے پہلے مرحلے میں ووٹ ڈالے جارہے ہیں۔ مظفر آباد ڈویژن کے تین اضلاع مظفرآباد، نیلم اور جہلم ویلی میں سات لاکھ کے قریب ووٹرز حق رائے دہی استعمال کریں گے۔ ووٹنگ کا عمل صبح آٹھ بجے سے شام پانچ بجے تک بغیر کسی وقفے کے جاری رہے گا۔ صبح سے ووٹنگ کی شرح اچھی رہی۔ پولنگ کیلئے سیکیورٹی کے بھی فول پروف انتظامات کئے گئے ہیں ۔ تینوں اضلاع میں 1314 پولنگ اسٹیشن قائم کئے گئے ہیں۔ جس میں 257 کو حساس ترین اور 418 کوحساس قراردیا گیا ہے۔ الیکشن کمشنرجسٹس ریٹائرڈ عبدالرشید سلہریا نے پولنگ اسٹیشن کا دورہ کیا اور انتظامات پر اظہار اطمینان کیا۔
