Raza Musani 
جنین : مغربی کنارے کے شہر جنین میں صیہونی فوجیوں کی فائرنگ سے زخمی 18 سالہ فلسطینی نوجوان محمود سعدی دم توڑ گیا۔ جبکہ چار زخمیوں کو اسپتال میں داخل کرایا گیا ہے۔ صیہونی فوجیوں نے علاقے میں چھاپہ مار کارروائی کے دوران مزاحمت پر نوجوانوں کو براہ راست گولیاں ماریں۔ فلسطینی وزارت خارجہ نے فوجیوں کے ہاتھوں فلسطینی نوجوان کے قتل اور ہیبرون میں صیہونی آباگاروں کے وحشیانہ حملے میں نوجوان کو زخمی کرنے کی شدید مذمت کی ہے اور کہا ہے کہ قابض افواج کی طرف سے کیا گیا یہ گھناؤنا جرم اسرائیلی قیادت کی منظوری سے جاری فلسطینیوں کے روزانہ قتل کا ایک لازمی حصہ ہے۔
