آبنائے ہرمز میں کسی بیرونی طاقت کو مداخلت کا حق نہیں، جنرل احمد وحیدی

تہران: ایران کے پاسدارانِ انقلاب کے کمانڈر میجر جنرل احمد وحیدی نے نیول فورس کے دن کے موقع پر کہا ہے کہ خلیج فارس اور آبنائے ہرمز کی سکیورٹی علاقائی ممالک کی ذمہ داری ہے، کسی بیرونی طاقت کو اس میں مداخلت کا حق نہیں۔ جنرل احمد وحیدی نے کہا کہ پاسدارانِ انقلاب کی بحریہ نے امریکی اور برطانوی فوجیوں کے مقابلے میں اپنی طاقت کا مظاہرہ کیا اور آبنائے ہرمز کو ایران کی اسٹریٹجک سرخ لکیر قرار دیا۔ انہوں نے کہا کہ پاسدارانِ انقلاب اور ایرانی فوج کی بحری افواج ہر قسم کی غیر مجاز نقل و حرکت کا مؤثر جواب دینے کے لیے تیار ہیں، جبکہ امریکی اور اسرائیلی خطرے کا بھی بھرپور جواب دیا جائے گا۔