Raza Musani 
تہران : ایرانی بحریہ کا کہنا ہے کہ آبنائے ہرمز میں ایک اور آئل ٹینکر بحری بارودی سرنگ سے ٹکرا گیا ہے، جس کے نتیجے میں جہاز میں آگ لگ گئی اور اسے شدید نقصان پہنچا۔ ایرانی سرکاری نشریاتی ادارے کے مطابق ایرانی بحریہ نے دعویٰ کیا ہے کہ مذکورہ آئل ٹینکر آبنائے ہرمز کے مشرق میں ایک ممنوعہ اور غیر محفوظ علاقے سے گزر رہا تھا جب وہ اس بارودی سرنگ کی زد میں آیا۔
ایرانی بحریہ کی جانب سے جاری کردہ بیان میں کہا گیا ہے کہ آبنائے ہرمز ان تمام خلاف ورزی کرنے والے جہازوں کے لیے مکمل بند ہے جو امریکی صدر کے جھوٹے دعوؤں سے پرُامید ہو کر بغیر کسی باہمی ہم آہنگی کے ممنوعہ اور غیر محفوظ علاقوں سے گزرنے کی کوشش کرتے ہیں۔
