تہران: ولی امر مسلمین ایران کے مشیر محمد مخبر نے کہا ہے کہ شینزین میں منعقدہ سربراہی کانفرنس میں امریکی صدر ڈونلڈ ٹرمپ نے چینی صدر شی جن پنگ اور روسی صدر ولادیمیر پیوٹن سے ملاقات کی، یہ اس بات کا ثبوت ہے کہ واشنگٹن اب ایران کے خلاف دیگر ممالک کو متحد کرنے کی صلاحیت کھو چکا ہے۔
محمد مخبر نے سوشل میڈیا پلیٹ فارم ایکس پر لکھا کہ شینزین سربراہی اجلاس نے خطے کو ایک واضح پیغام دیا ہے کہ امریکا اب ایران کے خلاف ممالک کو متحد نہیں کرسکتا۔ ٹرمپ چین میں چند کھوکھلے وعدوں کے ساتھ پہنچے اور خالی ہاتھ واپس چلے گئے۔ انہوں نے مزید کہا کہ خلیج فارس اور آبنائے ہرمز کی سلامتی ایران کے لیے ایک سرخ لکیر ہے اور اس کا انحصار اسلامی جمہوریہ ایران کی سات بنیادی شرائط پر ہے۔


































