کراچی : مجلس وحدت مسلمین نے کہا ہے کہ سرجانی ٹاؤن کراچی میں ایامِ فاطمیہ (س) کے پرامن جلوس عزا پر دہشت گردی کی دفعات کے تحت مقدمہ درج کرنا انتہائی افسوسناک اور قابل مذمت ہے، انہوں نے کہاکہ مجلسِ اور جلوس عزا کو دہشت گردی سے جوڑنا ملت جعفریہ کے جذبات کو مجروح کرنے کے مترادف ہے، شیعہ علمائے کرام اور تنظیموں نے الٹی میٹم دیا کہ 48 گھنٹوں میں
عزاداروں پر درج دہشت گردی کی ایف آئی آر واپس لی جائے ایف آئی آر واپس نہ لینے پر وزیراعلی ہاؤس پر احتجاج کیا جائے گا۔
واضح رہے کہ سرجانی ٹاؤن میں ایامِ فاطمیہ کے جلوس عزاء کے منتظمین مولانا مظہر عباس زیدی سمیت گیارہ مومنین کے خلاف تھانہ سرجانی ٹاؤن کراچی میں FIR درج کی گئی ہے۔ جلوس عزاء یکم جمادی الثانی مسجد و امام بارگاہ امیر المومنین ع سیکٹر 5 ڈی سے برآمد ہوا اور امام بارگاہ امام حسن عسکری ع سیکٹر 7 اے پر اختتام پذیر ہوا، جس میں بزاروں مومنین و مومنات اور بچوں نے بھرپور شرکت کی تھی۔


































