راولپنڈی: شمالی وزیرستان میں سکیورٹی فورسز کی کارروائیوں میں 16 دہشت گرد ہلاک اور پاک فوج کے 2 جوان شہید ہوگئے۔ آئی ایس پی آر کے مطابق سکیورٹی فورسز نے شمالی وزیرستان اور گردونواح میں دہشت گردوں کے ٹھکانوں پر کارروائیاں کی، اس دوران گزشتہ 12 گھنٹوں میں 16 دہشت گردوں ہلاک ہوئے۔
آئی ایس پی آر نے بتایا کہ علی خیل میں کارروائی کے دوران 12، میرعلی میں 2 اور دتہ خیل میں بھی 2 دہشت گرد مارے گئے، ہلاک دہشت گردوں میں 2 افغان شہری بھی شامل ہیں ۔ آئی ایس پی آر کے مطابق فائرنگ کے تبادلے میں پاک فوج کے بھی 2 جوان شہید ہوئے جن میں 43 سالہ حوالدار عصمت علی اور 32 سالہ نائیک آفتاب علی شامل ہیں۔


































