تہران: ایران کے وزیر خارجہ عباس عراقچی نے واشنگٹن میں تعینات اسرائیلی سفیر یخیل لائٹر کے اس بیان پر طنز کیا ہے جس میں انہوں نے اشارہ دیا تھا کہ ایران کی شکست کے بعد ہی امریکی فوجی اپنے وطن واپس لوٹ سکیں گے۔
عباس عراقچی نے سوشل میڈیا پلیٹ فارم ایکس پر لکھا کہ ہمیں معلوم نہیں تھا کہ واشنگٹن میں اسرائیلی سفیر امریکی فوج کے کمانڈر اِن چیف بھی ہیں۔ اسرائیلی سفیر یخیل لائٹر نے نیوز میکس کو انٹرویو دیتے ہوئے کہا تھاکہ ایران کو شکست دینے کے بعد ہی امریکی فوجی اپنے اہل خانہ کے پاس واپس آسکیں گے۔


































