امریکی من مانیاں،روس کی اقوام متحدہ پر تنقید

امریکا روسی عہدیداروں کو ویز ہ دینے میں تاخیر کررہاہے،روس
ماسکو(نیوز ڈیسک)روس نے امریکی من مانیوں پر اقوام متحدہ کے سیکریٹری جنرل کی خاموشی کو شدید تنقید کا نشانہ بنایا ہے، وزارت خارجہ کی ترجمان ماریا زاخاروا نے کہا کہ امریکا روسی عہدیداروں کو ویزا دینے کے عمل میں جان بوجھ کر تاخیر سے کام لے رہا ہے جبکہ اقوام متحدہ کے سیکریٹری جنرل ا نتونیو گوتریس اسے نظر انداز کر رہے ہیں۔ زاخاروا نے کہا کہ امریکا کا یہ اقدام اقوام متحدہ کے آئین کی کھلی خلاف ورزی ہے لیکن اس غیر قانونی اقدام پر گوتریس آنکھیں بند کئے ہوئے ہیں۔