سانحہ مسجد وامام بارگاہ علی رضا ؑکو 17سال بیت گئے،قاتل آج بھی آزاد

ملزمان گرفتار ہونا تو دور جو پکڑے گئے انہیں بھی رہا کردیا گیا،علامہ حسن ظفر
 کراچی (نیوز ڈیسک) امام بارگاہ علی رضا ؑکراچی میں اندوہناک سانحہ کو 17 سال بیت گئے لیکن قاتل تاحال آزاد ہیں، 31مئی 2004 وہ سیاہ دن تھا جب دہشت گردوں نے نماز مغربین میں دوران نماز خودکش دھماکا کیا، جس میں 25 نمازی شہید جبکہ 40 سے زائد مومنین زخمی ہوئے، معروف عالم دین و خطیب علامہ حسن ظفر نقوی نے سانحہ امام بارگاہ علی رضا ؑکی برسی کے موقع پر کہا کہ 17سال ہوگئے لیکن آج تک دہشت گرد گرفتار نہیں ہوسکے،لواحقین آج بھی انصاف کے منتظر ہیں، سزا دینا تو دور کی بات ہے اگر کسی واردات کے مجرم گرفتار بھی ہوئے تو کچھ ہی عرصے میں رہا ہو گئے یار رہا کروا دیے گئے، ہم حکومت سے مطالبہ کرتے ہیں کہ وہ مجرموں کو پھانسی پر لٹکا کر لواحقین کو جلد از جلد انصاف فراہم کریں