امریکی انخلا کا شیڈول فوج کی فنی کمیٹی طے کرے گی

 بیرونی افواج کا انخلا چند مرحلوں میں انجام پائے گا،فوجی ترجمان
بغداد(نیوزڈیسک)عراق سے امریکی افواج کے انخلا کا ٹائم ٹیبل مسلح افواج کی فنی کمیٹی طے کرے گی، مسلح افواج کی جنرل کمان کے ترجمان بریگیڈیئر یحی رسول نے بتایا کہ ملک سے بیرونی افواج کا انخلا چند مرحلوں میں انجام پائے گا۔ انھوں نے بتایا کہ عراق سے امریکا اور دیگر ملکوں کی افواج کے انخلا کا ٹائم ٹیبل عراقی فوج کی جوائنٹ چیف آف اسٹاف کمیٹی کے سربراہ کی صدارت میں فنی کمیٹی طے کرے گی ، عراق میں امریکا یا کسی بھی دوسرے ملک کی مسلح افواج کی ضرورت نہیں ہے۔ انھوں نے کہا کہ عراقی افواج کو دہشت گردوں سے نمٹنے اور ملک میں امن و امان قائم کرنے میں بیرونی افواج کی مدد کی ضرورت نہیں ہے