نیویارک : مسجد کے بعد امام بارگاہ بھی نفرت کا نشانہ

نفرت انگیز نعرے، علم کو آگ لگادی گئی،انتظامیہ کا احتجاجی اجتماع
 نیویارک(نیوز ڈیسک) نیویارک میں مسجد کے بعد امام بارگاہ بھی نفرت کا نشانہ بن گئی، شرپسندوں نے لانگ آئی لینڈ میں قائم امام بارگاہ شاہ نجف میں گھس کر نفرت انگیز نعرے تحریر لکھے اور علم کو آگ لگادی، عینی شاہدین کے مطابق سفید فام شرپسند افراد ٹرمپ کے حق میں نعرے لگارہے تھے، امام بارگاہ کی انتظامیہ کی جانب سے احتجاجی اجتماع کااہتمام کیا گیا جس میں مختلف مسالک اور مذاہب کے افراد اور منتخب نمائندوں نے شرکت کی مقامی انتظامیہ نے یقین دہانی کرائی کہ مجرموں کی نشاندہی کے بعد انہیںگرفتار کرلیا جائے گا۔