اعتزازحسن کی شہادت کا چھٹاسال، حکومتی وعدے نامکمل

کالج، اسٹیڈیم اور ہائی اسکول سمیت کوئی وعدہ پورا نہیں ہوسکا،والد مجاہد حسین
ہنگو(نیوز ڈیسک) ضلع ہنگو کے علاقہ ابراہیم زئی سے تعلق رکھنے والے قومی ہیرو شہیدِ پاکستان اعتزاز حسن کو گذرے چھ برس بیت گئے، اعتزاز حسن بنگش نے 6 جنوری 2014 کو ابراہیم زئی ہائی اسکول پر خودکش دھماکے کو ناکام بنایا اور جان کا نذرانہ پیش کرتے ہوئے 400 سے زائد طلبہ کی جانوں کو بچا لیا تھا، خودکش بمبارنے اسکول میں گھسنے کی کوشش کی تو وطن کے اس بہادر سپوت نے اْسے باہر ہی روک کر خود کو شہادت کے مرتبے پر فائر کرلیا تھا شہید اعتزاز حسن کے اس قربانی پر حکومت نے انہیں تمغہ شجاعت سمیت دیگر اعلیٰ سول ایوارڈ ز سے بھی نوازا تھا شہید اعتزاز حسن کے والد مجاہد حسین کا کہنا ہے کہ حکومت وقت نے بیٹے کے نام سے ڈگری کالج، اسپورٹس اسٹیڈیم اور ہائی اسکول بنانے کا اعلان کیا تھا لیکن حکومت وقت کا ایک بھی وعدہ وفا نہ ہو سکا۔