پاکستانی پارلیمان سے اردوان کا خطاب، بھارت نے ترک سفیرکو طلب کرلیا

مقبوضہ کشمیر پر بیان دینے پر بھارت نے احتجاجی مراسلہ ترک سفیر کو تھمادیا
نئی دہلی(نیوزڈیسک)بھارت نے ترک صدر رجب طیب اردوان کے مقبوضہ کشمیر پر بیان پر احتجاج کرتے ہوئے نئی دہلی میں موجود ترک سفیر کو بھارتی دفتر خارجہ طلب کرلیااور اپنا سفارتی احتجاج ریکارڈ کروایا۔ ترک صدر رجب طیب اردوان کے مقبوضہ کشمیر پر بیان پر بھارت نے شدید احتجاج کرتے ہوئے احتجاجی مراسلہ ترک سفیر کو تھمادیا۔ بھارت کا کہنا تھا کہ اردوان کے بیان سے دونوں ملکوں کے تعلقات متاثرہوسکتے ہیں۔ بھارتی وزارت خارجہ کا کہنا تھا کہ بھارت نے ترک سفیر ساکر اوزکان تورنلار کو کہا کہ رجب طیب اردوان کے ریمارکس میں کشمیر تنازع کی تاریخ کو سمجھنے کی کمی کا مظاہرہ کیا گیا۔وزارت خارجہ کے ترجمان رویش کمار کا کہنا تھا کہ ‘حالیہ بیان ترکی کی جانب سے ممالک کے اندرونی معاملات میں مداخلت کی ایک اور مثال ہے، بھارت کے لیے یہ ناقابل قبول ہے’۔