علی مرتضیٰ زیدی کے جواں سال فرزند خالق حقیقی سے جاملے

انچولی میں نماز جنازہ،وادی حسینؑ میں تدفین،شیعہ قائدین اور شخصیات کی تعزیت
کراچی (نیوز ڈیسک) معروف عالم دین اور اسکالر علامہ سید علی مرتضیٰ زیدی کے جواں سال فرزند سید علی محمد زیدی حرکت قلب بندہونے سے انتقال کرگئے، ان کی نماز جنازہ امام بارگاہ شہدائے کربلا انچولی سوسائٹی میں ادا کی گئی جس میں علمائے کرام، مومنین اور مختلف ملی تنظیموں کے نمائندگان نے بڑی تعداد میں شرکت کی، بعد میں انہیں وادی حسینؑ میں سپرد لحد کردیا گیا، مختلف شیعہ قائدین اور شخصیات نے علامہ مرتضیٰ زیدی کے جواں سال فرزند کے انتقال پرملال پر اظہار تعزیت کیا ہے سربراہ مجلس وحدت مسلمین پاکستان علامہ راجہ ناصرعباس جعفری اور دیگر قائدین نے علامہ سید علی مرتضیٰ زیدی اور تمام پسماندگان سے اظہار تعزیت کرتے ہوئے کہاکہ جواں سال فرزند کا فراق دنیا کا سب سے بڑا زخم ہے جو آخری سانس تک درد کا احساس دلاتا ہے۔