عراق میں امریکا کے خلاف نماز جمعہ کے بعد ملین مارچ

تمام جماعتوں کی حمایت،امریکا کو خطے سے نکال کر دم لیں گے،کئاب حزب اللہ
بغداد (نیوز ڈیسک) عراق میں امریکا کے خلاف نماز جمعہ کے بعد ملین مارچ نکالا جائے گا،ملیئن مارچ کی اپیل مقتدیٰ الصدر نے کی تھی جس کی الفتح اتحاد، سائرون،عصائب اھل الحق سمیت مختلف سیاسی، مذہبی اور سماجی تنظیموں نے مکمل حمایت کا اعلان کیا ہے، استقامتی تنظیموں کے سربراہوں نے عوام سے اپیل کی ہے کہ امریکا مخالف ملین مارچ میں بھر پور شرکت کرکے امریکا پر ثابت کردیں کہ اس کے مقابلے میں پوری عراقی قوم متحد ہے،کتائب حزب اللہ کا کہنا ہے کہ ہم عراق اور خطے سے امریکی فوج کے مکمل انخلا کا مطالبہ کرتے ہیں اور امریکا کو خطے سے نکال کرہی دم لیں گے، البدر تنظیم کے مطابق امریکا نے صوبہ الانبار کے کچھ قبائلی عمائدین کے ساتھ مشکوک اجلاس کئے ہیں تاکہ امریکا مخالف مظاہروں میں ان کی شرکت کو روک سکے، ان اجلاس سے امریکا کا مقصد عراقی قوم میں تفرقہ پیدا کرنا ہے۔