عراقی قوم غیرملکی قوتوں کو مزید برداشت نہیں کرسکتی، عمار الحکیم

ایران اور عراق کی قومیں اپنے شہیدوں کے خون کا بدلہ چاہتی ہیں
نجف (نیوز ڈیسک) عراقی رہنما سید عمارالحکیم کا کہنا ہے کہ شہید جنرل سلیمانی ایک غیرمعمولی اور عالم اسلام کے عظیم کمانڈر تھے، شہید اعلیٰ تجزیاتی ذہانت کے مالک اور جنگ کے میدان میں نہایت کم لاگت پر اہم ترین منصوبے تیار کرنے کی صلاحیت رکھتے تھے،انہوں نے داعش کے خلاف نہایت اہم پلان تیارکیا اورعراقی سیکیورٹی فورسز کو حوصلہ دیا، ان کے دورہ بغداد کے بعد ہی داعش کے خلاف آپریشن کا فیصلہ کیا گیا اور اللہ کے فضل سے تکفیریوں کو شکست دینے میں کامیاب ہوئے،انہوں نے کہاکہ دشمن نے ہمیشہ ایران اور عراق کو ایک دوسرے سے دور رکھنے کی سرتوڑ کوشش کی ہے، ان شہیدوں نے دشمن کے ناپاک عزائم کو خاک میں ملادیا، ایران اور عراق کی قومیں اپنے شہیدوں کے خون کا بدلہ چاہتی ہیں، شہدا کے خون کا انتقام یہ ہے کہ ہم ان کے اھداف کی تکمیل کے لئے کوشاں رہیں، غیرملکی افواج کو چاہئے کہ عراقی سرزمین سے انخلا یقینی بنائیں اور عراق فوری طور پر چھوڑ دیں، عراقی قوم اب غیرملکی قوتوں کو مزید برداشت نہیں کرسکتی۔