طالبان کا عید الفطر پر 3 روزہ جنگ بندی کا اعلان

جنگ بندی میں توسیع کرے اور تشدد میں نمایاں کمی کا حکم دے،امریکا
واشنگٹن ،کابل(نیوز ڈیسک) افغان طالبان نے عید الفطر کے موقع پر تین روزہ جنگ بندی کا اعلان کر دیا ،طالبان کے ترجمان محمد نعیم کا کہنا ہے کہ عید الفطر کے موقع پر تمام مسلح افراد کو حملے روکنے کا حکم دیدیا گیا ہے ، جنگ بندی کا اعلان اس لیے کیا تاکہ عید کا تہوار پرامن اور محفوظ ماحول میں منایا جا سکے، امریکا نےعید کی تعطیلات پر 3 روزہ جنگ بندی کے اعلان کا خیرمقدم کیاہے، ہم طالبان پر زور دیتے ہیں کہ وہ اس جنگ بندی میں توسیع کرے اور تشدد میں نمایاں کمی کا حکم دے،انہوں نے طالبان اور افغان حکومت پر زور دیا ہے کہ وہ داعش کے عسکریت پسندوں کو پہلے سے ہی کشیدہ صورتحال کو مزید خراب کرنے سے روکنے کے لیے جاری امن عمل میں سنجیدگی سے مشغول ہوں۔