تفتان پر سینکڑوں زائرین بے یارو مدگار ہوگئے

کھانے پینے کو کچھ نہیں،بڑی تعداد میں زائرین پیدل ہی کوئٹہ چل پڑے
تفتان (نیوز ڈیسک) تفتان میں روکے گئے سینکڑوں زائرین بے یارو مدگار ہوگئے،کلیئر قرار دینے کے باجود انہیں کوئٹہ بھیجنے سے گریز کیا جارہا ہے جس پر بڑی تعداد میں زائرین پیدل ہی کوئٹہ کیلئے روانہ ہوگئے، گذشتہ تین ہفتوں سے زائرین کو تفتان سے ٓاگے جانے کی اجازت نہیں دی جارہی ہے،انہیں قرنطینہ کے نام پر پاکستان ہاؤس میں ٹہرایا گیا ہے جہاں کوئی سہولت موجود نہیں، چھوٹے سے پاکستان ہاؤس میں سینکڑوں زائرین کو بھرنے کی وجہ سے حالت ویسے ہی خراب ہوچکی ہے، زائرین کے بعض قافلے کوئٹہ روانہ کئے گئے ہیں لیکن بڑی تعداد میں زائرین اب بھی وہیں پھنسے ہوئے ہیں سیکیورٹی فورسز انہیں کوئٹہ روانہ کرنے کیلئے روز بہانہ تراشتی کررہے ہیں جس سے تنگ آکر زائرین خود ہی نکل پڑے ہیں۔