امریکا کو معاملات میں مداخلت کا حق نہیں،چین وپاکستان

عظیم اقتصادی منصوبے سی پیک کے تمام پہلوؤں پر اچھی طرح غور کیا ہے
اسلام آباد (نیوز ڈیسک) چین اور پاکستان کی وزارت خارجہ نے چین و پاکستان اقتصادی کوریڈور کے تعلق سے امریکی نائب وزیر خارجہ ایلس ویلز کے دعووں کو مسترد کرتے ہوئے اعلان کیا ہے کہ کسی تیسرے ملک کو ہمارے معاملات میں مداخلت کا کوئی حق نہیں، ایلس ویلز کے مداخلت پسندانہ بیان پر رد عمل ظاہر کرتے ہوئے چین اور پاکستان کی وزارت خارجہ نے کہا ہے کہ اسلام آباد کسی بھی تیسرے ملک کو اپنے معاملات میں مداخلت کی اجازت نہیں دے گا اور اْس نے اس عظیم اقتصادی منصوبے کے تمام پہلوؤں پر اچھی طرح غور کیا ہے چین کی وزارت خارجہ نے بھی ایک بیان جاری کر کے امریکی عہدیدار کے بیان کو دیگر ممالک کے اندرونی معاملات میں واضح مداخلت قرار دیا واضح رہے کہ امریکی نائب وزیر خارجہ ایلس ویلز نے دعوی کیا تھا کہ چین اور پاکستان سی پیک منصوبے میں ایسے کمپنیوں کی مدد لے رہے ہیں جو ورلڈ بینک کی بلیک لسٹ میں شامل ہیں۔