امریکا عالمی نظام کو تسلیم ہی نہیں کرتا ہے ، محمد علی الحوثی

دنیا میں ممالک پر خودساختہ پابندیاں لگانے کا کوئی قانون موجود نہیں
 صنعا(نیوزڈیسک) یمن کی اعلی انقلابی کونسل کے سربراہ محمد علی الحوثی نے یمنی حکام پر امریکا کی خودسرانہ پابندیاں غیر قانونی اور یمن کے خلاف جارحیت کو قابل مذمت قرار دے دیا، انہوں نے کہا کہ دنیا کے مختلف ملکوں کے خلاف امریکا کی خود سرانہ پابندیاں ثابت کرتی ہیں کہ امریکا سلامتی کونسل سمیت عالمی نظام کو تسلیم ہی نہیں کرتا ، عالمی سطح پر ایسا کوئی قانون نہیں پایا جاتا کہ جس کے تحت امریکا کسی کے بھی خلاف اس طرح سے پابندیاں عائد کر سکے،یمن کے وزیر خارجہ نے کہا کہ بعض ممالک یمن کے دارالحکومت صنعا کو میدان جنگ بنا کر جارحیت و بحران کا پورا پورا فائدہ اسرائیل اور سعودی عرب کو پہنچانے کی کوشش کر رہے ہیں۔