کوئٹہ اور تربت میں دہشت گرد حملے ،4اہلکار شہید

دہشت گردوں نے ایف سی پوسٹ کو نشانہ بنایا،5دہشت گرد ہلاک
کوئٹہ (نیوز ڈیسک) کوئٹہ اور تربت میں ایف سی اہلکاروں پر دو دہشت گرد حملے کیے گئے ، دہشت گردوں نے کوئٹہ میں پیر اسماعیل زیارت کے قریب ایف سی پوسٹ کو نشانہ بنایا، فائرنگ کے تبادلے میں 4 ایف سی اہلکار شہید اور 6 زخمی ہوئے جبکہ 5 دہشت گرد ہلاک اور8 زخمی ہوگئے، تربت میں دہشت گردوں نے ایف سی کی گاڑی کو آئی ای ڈی سے نشانہ بنایا، حملے میں 2 ایف سی اہلکار زخمی ہوگئے،آئی ایس پی آر کا کہنا ہے کہ ریاست مخالف طاقتوں کی ایما پر ایسی بزدلانہ کارروائیوں سے بلوچستان میں امن و خوشحالی کے عمل کو سبوتاژ نہیں کیا جاسکتا۔