عراق میں روس اور چین امریکی فوج کا متبادل قرار

عراقی حکومت خود بھی فوجی مدد اور مشاورت مہیا کرسکتی ہے، الحشد الشعبی
بغداد(نیوز ڈیسک) الحشد الشعبی کے یونٹ کمانڈر قیس الخزعلی نے کہا ہے کہ روس اور چین عراق میں امریکا کی فوجی معاونت اور مشاورت کا متبادل ہوسکتے ہیں،عراقی حکومت دوسروں پر انحصار کیے بغیر خود بھی فوجی مدد اور مشاورت مہیا کرسکتی ہے،اس مقصد کیلئے روس، چین اور دوسرے ممالک سمیت بہت سے ذرائع موجود ہیں،انہوں نے عراقی پارلیمان کی تاریخ میں منظورکردہ قرارداد کو اہم قراردیا،انہوں نے جنرل قاسم سلیمانی کی شہادت کے ردعمل میں امریکی فوجیوں کو ہلاک کرنے کی بھی دھمکی دی، امریکی کانگریس کے نام پیغام میں انہوں نے کہا کہ آپ کی انتظامیہ کا صدر آپ کے فوجیوں کی مزید ہلاکت اور زخمی ہونے کا سبب بنے گا جبکہ انھوں نے ان فوجیوں کو محفوظ طریقے سے واپس بلانے کا وعدہ کیا تھا۔