دہشت گردوں نے صومالیہ میں پھر قیامت برپا کردی

خودکش کار بم دھماکے میں 100افراد ہلاک اور 70سے زائد زخمی ہوگئے
موغادیشو(نیوزڈیسک) تکفیری دہشت گردوں نے صومالیہ میں پھر قیامت برپا کردی،دارلحکومت موغادیشو کی شہر کی مصروف ترین شاہراہ پر اس وقت خودکش کار بم دھماکا کیا گیاجب سیکیورٹی چیک پوائنٹ اور ٹیکس آفس کی وجہ سے ٹریفک کا رش تھا۔دھماکے کے باعث ترک شہریوں، طالبعلموں سمیت 100 افراد زندگی کی بازی ہار گئے جبکہ 70 سے زائد زخمی ہوئے،اقوام متحدہ کے سیکریٹری جنرل انتونیو گوتریس نے صومالیہ کے دارالحکومت موغادیشو میں ہونے والے دہشت گردانہ حملہ کی مذمت کی ہے، ملکی تاریخ میں سب سے خونریز حملہ اکتوبر 2017 میں موغادیشو میں پیش آیا تھا جہاں ٹرک دھماکے سے 512 افراد ہلاک اور 295 زخمی ہوگئے تھے۔