کورونا کا بحران 2009 کی کساد بازاری سے سنگین

شدید نقصان سے نمٹنے کیلئے غیر روایتی اقدامات کرنا ہوں گے،آئی ایم ایف
واشنگٹن(نیوز ڈیسک) عالمی مالیاتی ادارے (آئی ایم ایف) نے دنیا کو معاشی بحران سے خبردار کرتے ہوئے کہا ہے کہ کورونا وائرس کا بحران 2009 کی کساد بازاری سے سنگین ہوسکتا ہے، عالمی معیشت کو کورونا وائرس کے وبا کے باعث شدید نقصان کا سامنا ہے اس کے لیے غیر روایتی اقدامات کرنا ہوں گے، جی 20 اراکین کے وزرائے خزانہ کے اجلاس کے حوالے سے ان کا کہنا تھا کہ کم آمدنی کے حامل ممالک کی معیشت کو بہتر کرنے کیلئے مزید تعاون کی ضرورت ہے جس کے لیے آئی ایم ایف ایک کھرب ڈالر کی ادائیگی کے لیے تیار بیٹھا ہے،کرسٹیالینا جیورجیووا کا کہنا تھا کہ 2020 میں معیشت کا نمو منفی ہے اور عالمی سطح پر بحران کے زمانے میں کساد بازاری خطرناک ہے۔