پورے گلگت بلتستان کی ترقی ہماری ذمہ داری ہے،وزیراعلیٰ

میگا پراجیکٹس سے خطے کی تقدیر بدل جائے گی، وزیرزراعت کاظم میثم کی وزیراعلیٰ سے گفتگو
گلگت (نیوز ڈیسک) رہنما مجلس وحدت مسلمین و صوبائی وزیرزراعت گلگت بلتستان محمد کاظم میثم نے وِزیراعلی گلگت بلتستان خالد خورشید خان سے اسلام آباد میں تفصیلی ملاقات کی، ملاقات میں گلگت بلتستان کی تعمیر و ترقی بلخصوص ترقیاتی منصوبوں پر گفتگو ہوئی،انہوں نے کہا کہ گلگت بلتستان کی تاریخ میں پہلی دفعہ بنیادی اور میگا پروجیکٹس پر کام جاری ہے جس سے خطے کی تقدیر بدل جائے گی ، بلتستان ریجن کو ماضی میں دیوار سے لگایا گیا اب عوام کو موجودہ حکومت سے بہت زیادہ توقعات وابستہ ہیں ،وزیراعلی گلگت بلتستان نے کہا کہ پورے گلگت بلتستان کی ترقی کے لیے سنجیدہ جدوجہد اور جامع منصوبے پر کام کرنا ہماری ذمہ داری ہے، حلقہ دوا سکردو کی آبادی بہت زیادہ اور مسائل گوناگوں ہیں، تعلیم، پینے کے پانی کی فراہمی رابطہ سڑکیں اور صحت کی سہولت کے لیے جامع منصوبہ بندی پہ کام ہوگا اور سیاحتی مقام ہونے کے ناطے بنیادی سہولیات کی فراہمی نہایت اہم ہے جسکے اثرات پورے گلگت بلتستان پہ مرتب ہوں گے