وہ دن دور نہیں جب افغانستان جنگ سے آزاد ہو گا

روس کے بعد اب امریکا کی شکست کا جشن بھی منائیں گے، گلبدین حکمت یار
لاہور (نیوز ڈیسک)سابق وزیراعظم افغانستان اور حزب اسلامی کے امیر گلبدین حکمت یار کی لاہور میں جماعت اسلامی کے مرکز منصورہ آمد، سینٹر سراج الحق سے ملاقات کی، گلبدین حکمت یار کا کہنا تھا کہ وہ دن دور نہیں جب افغانستان جنگ سے آزاد ہو گا، روس کی شکست کا جشن بھی منایا تھا اب امریکا کی شکست کا جشن بھی منائیں گے، امیر جماعت اسلامی سینٹر سراج الحق کا کہنا تھا کہ امن مذاکرات کو آگے بڑھانے کیلئے طالبان اور حزب اسلامی ایک پیچ پر ہیں ، امریکا افغانستان سے نکلنے پر مجبور ہوگا، افغانستان کا جہاد کامیابی سے ہمکنار ہوگا ، انہوں نے کہا کہ ترکی اور ماسکو میں امن کانفرنسیں ہو رہی ہیں ، اس میں سیاسی جماعتوں کی نمائندگی بھی شامل ہو گی۔