حسینی ؑاور یزیدی گروہوں کی شناخت کا وقت آگیاہے، علامہ راجہ ناصر عباس

مذہبی منافرت کیلئے کالعدم جماعتوں کو متحرک کر دیا گیا ہے
اسلام آباد(نیوز ڈیسک) مجلس وحدت مسلمین پاکستان کے مرکزی سیکریٹری جنرل علامہ راجہ ناصر عباس جعفری نے کہا کہ ہے عزاداری کے جلوسوں کو تحفظ اور سہولیات کی فراہمی متعلقہ ریاستی اداروں کی آئینی ذمہ داری ہے، پاکستان کو مفلوج کرنے کی کوشش کی جارہی ہے،اب حسینی اور یزیدی گروہوں کی شناخت کا وقت آگیا ہے دنیا دیکھے گی کہ حسینیت اکثریت میں اور یزیدی ٹولے اقلیت میں ہے، مرکزی صدر امامیہ اسٹوڈنٹس آرگنائزیشن برادر عارف الجانی سمیت یگرمذہبی رہنماو ¿ں اور علما ءکے ہمراہ ایم ڈبلیو ایم سیکریٹریٹ میں پریس کانفرنس میں علامہ راجہ ناصر عباس جعفری نے کہا کہ ایک طرف تو وطن عزیز میں مذہبی منافرت پھیلانے والے تکفیری گروہوں کے آزادانہ اجتماعات ہو رہے ہیں جب کہ دوسری طرف تشیع کوان کی عبادت سے روکنے کے لیے انتقامی کارروائیوں کا نشانہ بنایا جا رہا ہے جو ناقابل برداشت ہے، پاکستان میں مختلف مسالک کے مابین علمی اختلافات کو نفرت اور دشمنی میں بدلنے کے لیے پاکستان میں کالعدم جماعتوں کو متحرک کر دیا گیا ہے۔یہ مذہبی منافرت ملک کے لیے نقصاندہ اور دشمنوں کے لیے نفع بخش ثابت ہو گی۔