امریکی پاگل پن اور نفرت اپنی انتہا کو پہنچ چکی ہے،حزب اللہ

حرم رضوی پر پابندی کا احمقانہ اقدام اسلام کی کھلی توہین ہے
بیروت(نیوزڈیسک) حزب اللہ نے حضرت امام رضا علیہ السلام کے حرم مطہر سے متعلق تمام افراد و تنظیموں کے خلاف امریکی پابندیوں کی شدید مذمت کی ہے، حزب اللہ نے کہا کہ لگتا ہے کہ امریکی وزارت خارجہ کے پاگل پن اور تنفر کی سطح موجودہ صدارتی دورکے اختتام پر اپنی انتہا کو پہنچ چکی ہے ، حرم رضوی اور اس کے متولی شیخ احمد مروی کے نام کو پابندیوں اور دہشتگردی کی فہرست میں شامل کیا جانا انتہائی منفرد اقدام ہے ، حضرت امام رضا علیہ السلام کا حرم اللہ تعالیٰ کی عبادت کامرکز اور مقدس مقام ہے، جہاں دسیوں لاکھ مسلمان زیارت کیلئے جاتے ہیں ، ہم امریکا کے اس احمقانہ اقدام کو دین مبین اسلام اور معنوی اقدار کی کھلی توہین سمجھتے ہیں ، انتہا پسندی پر مبنی امریکا کا یہ غیر اخلاقی اقدام سیاسی اختلافات کی حد سے نکل کر ادیان و دینی اعتقادات کے ساتھ کھلی دشمنی کے زمرے میں داخل ہوچکا ہے، جو اخلاقی و فکری انحطاط کی ا ±س انتہائی سطح کی نشاندہی کرتا ہے، جس تک امریکی وزارت خارجہ و امریکی حکومت گرچکی ہے