امارات کا یمن کے تیل کے ذخائر پر قبضے کا منصوبہ

ماہرین کی ٹیم جزیرہ سقطری بھیج دی،صہیونی افسران بھی مددکیلئے موجود
ابوظہبی(نیوز ڈیسک) متحدہ عرب امارات نے یمن کے تیل کے ذخائر پر قبضے کا منصوبہ بنالیا، اماراتی حکام نے یمن کے علاقے ” سقطری” میں تیل اور گیس کے ذخائر کی تلاش کیلئے ماہرین روانہ کئے ہیں ، عرب امارات جزیرے سقطری پر قبضہ کرکے یہاں تیل وگیس تلاش کرےگا،بھیجی گئی ٹیم میںبھارت اور مصر جیسے ملکوں سے تعلق رکھنے والے تیل اور گیس کے ماہرین شامل ہیں، میڈیا رپورٹس کے مطابق صہیونی اور یورپی افسران کو بھی خاموشی سے جزیرہ سقطری منتقل کیا گیا ہے تاکہ ماہرین کی مدد کی جائے ،عرب امارات نے دوسال قبل جزیرے کی خواتین اور نوجوانوں کو تربیت کے لئے ابوظہبی منتقل کیاتھا تاکہ ان کی ذہن سازی کرکے اپنے مقاصد کیلئے استعمال کیا جاسکے۔