امریکا : 17سال بعدوفاقی سطح پر سزائے موت بحال

چار مجرموں کی سزائے موت 13 جولائی سے 28 اگست کے درمیان شیڈول
واشنگٹن (نیوزڈیسک)چین ،ایران اور دوسرے ممالک پر تنقید کرنے والے امریکا نے بھی17سال بعد دوبارہ وفاقی سطح پر سزائے موت بحال کردی، وفاق کی تحویل میں موجود قیدیوں کی سزائے موت پر عمل درآمد 13 جولائی سے شروع ہو گا ، اٹارنی جنرل ولیم بر نے ایک سال قبل اعلان کیا تھا کہ وہ وفاقی حکومت کے دائرہ اختیار میں آنے والے جرائم میں ملوث افراد کیلئے سزائے موت بحال کرنا چاہتے ہیں،اٹارنی جنرل کے حکم پر محکمہ جیل نے چار مجرمان کی سزائے موت 13 جولائی سے 28 اگست کے درمیان شیڈول کر دی ہیں،امریکی صدر ڈونلڈ ٹرمپ بھی قیدیوں کو سزائے موت دینے کے حامی ہیں۔ وہ یہ بھی کہہ چکے ہیں کہ منشیات کے کاروبار میں ملوث افراد کو بھی سزائے موت دی جانی چاہیے۔