کوئٹہ میں پولیس مقابلہ،دو دہشت گرد ہلاک

اسلحہ اور گولہ بارود برآمد، موٹر سائیکل میں نصب بم کو ناکارہ بنا دیا گیا
کوئٹہ (نیوز ڈیسک) کوئٹہ میں حالیہ بم دھماکوں میں ملوث 2 دہشت گرد سی ٹی ڈی کے ساتھ مقابلے میں مارے گئے، دہشت گردوں کے قبضہ سے اسلحہ اور گولہ بارود برآمد، موٹر سائیکل میں نصب بم کو ناکارہ بنا دیا گیا، خفیہ اطلاع پر نواں کلی بائی پاس پر سرہ غڑگئی کے علاقے میں دہشت گردوں کی موجودگی کی اطلاع پر آپریشن کیا گیا تو دہشت گردوں نے جدید اسلحہ سے اہلکاروں کی گاڑی پر فائرنگ کر دی، جس پر جوابی فائرنگ میں دو دہشت گرد ہلاک کر دیئے گئے،دہشت گرد گذشتہ برس ڈبل روڈ آر آر جی کی گاڑی کو نشانہ بنانے، میکانگی روڈ سیکیورٹی فورسز کی گاڑی اور اسحاق آباد مسجد میں ہونے والے خودکش دھماکے میں بھی ملوث تھے۔