پہلے معاہدہ پھر اعلان جنگ بندی، افغان طالبان ڈٹ گئے

معاہدے کے بعد افغان حکومت کے نمائندے جرمنی میں ملاقات کریں گے
قطر(نیوز ڈیسک) افغان طالبان نے افغان امن مذاکرات کے دوران امریکا کاجنگ بندی کا مطالبہ مسترد کر دیا،امریکا نے قطر میں ہونے والے مذاکرات کے دوران جنگ بندی کا مطالبہ کیا تھا جسے طالبان کی جانب سے مسترد کر دیا گیا،طالبان ترجمان سہیل شاہین کا بتانا ہے کہ بات چیت عمدہ رہی جو آئندہ بھی جاری رہے گی طالبان رہنما کا کہنا تھا کہ طالبان شوریٰ نے امریکا سے امن معاہدہ کے بعدجنگ بندی پر اتفاق کیا ہے اورمعاہدے کے بعد طالبان اور افغان حکومت کے نمائندے جرمنی میں ملاقات کریں گے،افغان امن مذاکرات میں طالبان کی جانب سے عارضی جنگ بندی کی پیشکش کی گئی تھی جس پر امریکا 10 دن کی جنگ بندی پر متفق ہو گیا۔