مسئلہ کشمیر، بھارت نے ایک بار پھر امریکا کی ثالثی مسترد کردی

کشمیر بھارت اور پاکستان کے درمیان دو طرفہ مسئلہ ہے، مل کر حل کرلیں گے،بھارت
نئی دہلی (نیوز ڈیسک) بھارتی حکومت نے مسئلہ کشمیر حل کرنے کیلئے امریکی صدر کی ثالثی کی پیشکش پھر مسترد کردی، بھارتی وزارت خارجہ کے ترجمان رویش کمار کا کہنا ہے کہ کشمیر کے معاملے میں کسی تیسرے فریق کا کوئی کردار نہیں کشمیر بھارت اور پاکستان کے درمیان دو طرفہ مسئلہ ہے، اسے پاکستان کے ساتھ مل کر حل کر لیں گے، امریکی صدر ڈونلڈ ٹرمپ نے ڈیووس میں پاکستان کے وزیر اعظم عمران خان کے ہمراہ میڈیا سے مشترکہ گفتگوں کرتے ہوئے کہا تھا کہ امریکاکشمیر کے مسئلے پر نظر رکھے ہوئے ہے۔ ساتھ ہی ٹرمپ نے ایک بار پھر کشمیر کے تنازع کے حل کے لیے اپنا کردار ادا کرنے کی پیشکش کی تھی۔