شیخ عیسیٰ قاسم کی بحرینی حکومت کو مذاکرات کی پیشکش

 حکومت کی غلط پالیسیوں سے ملک کا وجود خطرے میں پڑ گیا، آیت اللہ عیسی قاسم
 مناما (نیوز ڈیسک) تحریک اسلامی کے رہنما اور تحریک ِبحرین کے قائد آیت اللہ عیسی قاسم نے ملک میں بنیادی اصلاحات کا مطالبہ کرتے ہوئے حکومت کو مذاکرات کی پیشکش کردی، آیت اللہ عیسی قاسم نے ایک بیان میں کہا کہ بحرین کی بقا اور دوام کا دار و مدار بنیادی اور حقیقی اصلاحات پر ہے، عوام اپنے حقوق سے پوری طرح واقف ہیں اور گفتگو کے لیے تیار ہیں،انہوں نے کہاکہ بحرین اس وقت شدید قسم کے بحرانوں سے دوچار ہے اور شاہی حکومت کی غلط پالیسیوں کی وجہ سے ملک کا وجود خطرے میں پڑ گیا ہے، انہوں نے خبردارکیا کہ اگرحکومت بحرین نے غلط پالیسیوں کو ترک نہ کیا تو بحرانوں میں کوئی کمی واقع نہیں ہوگی ، صورتحال اسی طرح جاری رہی تو بحرین کی حکومت بہت جلد اندرونی، بیرونی اورعالمی سطح پر تنہا ہوکے رہ جائے گی۔