شام کی ابتر صورتحال اقتصادی محاصرہ کا نتیجہ ہے،وزیرخارجہ

 امداد سے انسانی اہداف سے ہٹ کر ہرگز استفادہ نہیں کیا جانا چاہئے
 دمشق (نیوز ڈیسک) شام کے وزیر خارجہ فیصل مقداد نے کہا ہے کہ شامی عوام اس وقت نہایت ابتر اقتصادی صورت حال کا سامنا کر رہے ہیں جو یورپ و امریکا کے اقتصادی محاصرے کا نتیجہ ہے ، انھوں نے شام کے محاصرے کی مذمت کرتے ہوئے کہا کہ عالمی برادری کو چاہئے کہ اتنے سخت حالات میں شامی عوام کا بھرپور ساتھ دے اور اقتصادی محاصرے کو غیر موثر بنائے ،انہوں نے اپنے ملک کے لئے انسان دوستانہ امداد کے بارے میں بھی کہا ہے کہ اس امداد سے انسانی اہداف سے ہٹ کر ہرگز استفادہ نہیں کیا جانا چاہئے ، وزارت خارجہ نے بھی امریکی جرائم کا ذکر کرتے ہوئے اعلان کیا ہے کہ امریکہ کو شامی عوام کے خلاف جارحیت کا پورا تاوان ادا کرنا ہو گا اور اسے چاہئے کہ شام کے امور میں مداخلت کرنے سے باز آجائے