شام:بشار الاسد کا ایک بار پھر عام معافی کا اعلان

عام معافی کے نئے اعلامیہ میں بعض پچھلی شرائط ختم کردی گئیں
دمشق(نیوز ڈیسک) شام کے صدر بشاالاسد نے ملک میں ایک بار پھر عام معافی کا اعلان کردیا،انہوں نے ایک بیان میں کہا کہ 22 مارچ تک انجام پانے والے جرائم کے بارے میں باز پرس نہیں کی جائے گی، عام معافی کے نئے اعلامیہ میں بعض پچھلی شرائط ختم کردی گئی ہیں اور بعض دوسرے جرائم کی سزاؤں کو بھی معاف کردیا گیا ہے، اس اعلامیہ کا اطلاق ذاتی شکایات اور مقدمات پر نہیں ہوگا اور ملکی عدالتیں معمول کے مطابق کیس چلانے کی پابند ہوں گی، صدر بشارالاسد اس سے پہلے بھی کئی بار ملک میں عام معافی کا اعلان کر چکے ہیں۔