ترکی نے یوپی یونین میں شمولیت کا معاملہ پھر اٹھادیا

26 مارچ تک یور پی رکنیت پر نئی پالیسی جاری کی جائیگی، وزیرخارجہ
انقرہ(نیوزڈیسک) ترکی نے یوپی یونین میں شمولیت کا معاملہ ایک بار پھر اٹھادیا،ترک وزیر خارجہ چاوش اوغلونے کہا کہ یورپی یونین میں ترکی کی رکنیت کے معاملے میں وقت کو طول دینے کا دور گزر چکا ہے،ترکی 26 مارچ تک یور پی رکنیت کے حوالے سے نئی پالیسی جاری کرسکتا ہے، انہوں نے پناہ گزینوں کے معاملے میں بھی یورپی یونین کے موقف پر کڑی نکتہ چینی کرتے ہوئے کہا کہ یورپ یونین یہ مطالبہ تو کرتی ہے کہ پناہ گزینوں کو یورپ نہ آنے دیا جائے لیکن وہ اس علاقے میں پناہ گزینوں کو درکار زندگی کی لازمی سہولتیں فراہم کرنے میں کوئی مدد نہیں کرتی، یورپی یونین میں ترکی رکنیت کا عمل2005 میں شروع ہوا تھا جو تا حال مکمل نہیں ہوسکا ہے۔