Ilyas 
بھارت کووینٹی لیٹرز،ڈیجیٹل ایکسرے مشینیں دینے کی پیشکش کی ہے، انسانی معاملات پر ردعمل سیاست سے ہٹ کر ہونا چاہیے،وزیر خارجہ شاہ محمود
ہمیں انسانیت کو درکار اس عالمی چیلنج کا ملکر مقابلہ کرنا ہوگا،وزیراعظم،، عوام کی جانب سے بھارت کے ساتھ بھرپور یکجہتی کا اظہار،ٹوئٹر پر ٹاپ ٹرینڈ
اسلام آباد (نیوز ڈیسک) بھارت میں کورونا کے بڑھتے کیسز اور اموات کو دیکھتے ہوئے پاکستان نے انسانی ہمدردی کے مطابق بھارت کو سرکاری سطح پر تعاون کی پیشکش کردی ،وزیر خارجہ شاہ محمود قریشی نے کہا ہے کہ پاکستان نے بھارت کووینٹی لیٹرز،ڈیجیٹل ایکسرے مشینیں دینے کی پیشکش ہے، انہوں نے کہا کہ اس بارے میں بھارتی ہائی کمشنر کو آگاہ کردیا ہے، انسانی معاملات پر ردعمل سیاست سے ہٹ کر ہونا چاہیے، وزیراعظم عمران خان نے بھارت میں کورونا کی خطرناک لہر پر بھارتی عوام سے یکجہتی کا اظہار کرتے ہوئے کورونا سے متاثرہ بھارتی شہریوں کی جلد صحت یابی کیلئے دعا کی ہے،وزیراعظم نے کہا کہ ہمیں انسانیت کو درکار اس عالمی چیلنج کا ملکر مقابلہ کرنا ہوگا، فواد چوہدری نے کہا کہ اس مشکل وقت میں ہماری دعائیں بھارت کے شہریوں کے ساتھ ہیں،فواد چوہدری نے کہا کہ خدا ہم سب پر اپنا کرم اور رحم کرے اور یہ مشکل وقت جلد ختم ہو، عوام کی جانب سے بھارت کے ساتھ بھرپور یکجہتی کا اظہار کیا جا رہا ہے، پاکستان میں #PakistanstandswithIndia ٹاپ ٹرینڈ بن گیاصارفین کا کہنا ہے کہ جب بات زندگی اور موت کی ہو تو ہمیں ساتھ کھڑے ہوکر انسانیت کا مظاہرہ کرنا ہوگا
