امریکی ہٹ دھرمی، عراق پر حملہ جائز قرار،مزید کی دھمکی

خاموش نہیں رہ سکتے،مزید اقدامات کرینگے، کشیدگی بڑھانا نہیں چاہتے،امریکی حکام
واشنگٹن (نیوز ڈیسک) امریکا نے عراق پر حملوں کو جائز قرار دیتے ہوئے مزید حملوں کی دھمکی دے د ی، امریکی وزیر خارجہ مائیک پومپیو نے کہا ہے کہ عراق میں کتائب حزب اللہ پر حملے ایک بھرپور جواب ہے جو اس بات کو ظاہر کرتا ہے کہ امریکا عراق میں امریکی افواج کو درپیش ایرانی خطرات کے سامنے خاموش تماشائی نہیں بنے گا، پومیو نے اقوام متحدہ کے سیکرٹری جنرل انتونیو گوتیرس کو فون کرکے انہیں ابھی اپنی جارحیت کا جواز پیش کیا، امریکی وزیر دفاع مارک ایسپر کا کہنا ہے کہ ضرورت پڑی تو مزید اقدامات خارج از امکان نہیں، ہم اپنے دفاع کے لئے اور ایران کو دشمنانہ کارروائیوں کے ارتکاب سے روکنے کے واسطے کام کرتے رہیں گے، محکمہ خارجہ نے کہا ہے کہ جہاں بھی امریکی مفادات کوخطرہ لاحق ہوا تو امریکا وہاں پر کارروائی کرے گا، ایران کے خلاف جلد ہی نئی پابندیاں عاید کی جائیں گی، امریکی محکمہ خارجہ کے معاون سیکریٹری ڈیوڈ شینکر نے کہا کہ یہ حملے ایران کیلئے ایک پیغام ہیں، ہم نے کئی ماہ کے ضبط وتحمل کے بعد یہ کارروائی کی ہے،