امریکی پالیسی نے چین وایران کو نزدیک کردیا

 زیادہ سے زیادہ دباو ¿ کی امریکی پالیسی ناکام ہوگئی ، واشنگٹن پوسٹ
واشنگٹن (نیوز ڈیسک) امریکی اخبار واشنگٹن پوسٹ نے ایران کے خلاف امریکی صدر ڈونلڈ ٹرمپ کی زیادہ سے زیادہ دباو ¿ کی پالیسی کو ناکام قرار دیا ہے، اخبار نے اپنے اداریہ میں ٹرمپ کی پالیسی کی شدید الفاظ میں مذمت کرتے ہوئے لکھاکہ زیادہ سے زیادہ دباو ¿ کی پالیسی نہ صرف مشرق وسطی میں تہران کے اثر و رسوخ کو کم کرنے یا تہران میں انتظامیہ میں تبدیلی جیسے اپنے مقاصد کو حاصل کرنے میں ناکام ہوگئی بلکہ اس نے ایران اور چین کو پہلے سے زیادہ ایک دوسرے سے نزدیک کرنے میں اہم کردار ادا کیا، ٹرمپ کی اس پالیسی کے نتیجے میں ایران اور چین کی شراکت کی نئی شکل تیار ہوئی جس سے امریکی مفاد کو بڑا نقصان پہنچا ہے