امریکا کورونا وائرس کا اگلا عالمی مرکزبننے کا امکان،عالمی ادارہ صحت

امریکا میں کورونا بڑے پیمانے پر اور تیزی سے پھیل رہا ہے
نیویارک(نیوزڈیسک) عالمی ادارہ صحت نے خبردار کیا ہے کہ امریکا کورونا وائرس کا عالمی مرکز بن سکتا ہے، جنیوا میں نامہ نگاروں سے بات کرتے ہوئے عالمی ادارہ صحت کی ترجمان مارگریٹ ہیریس نے کہا کہ امریکا میں کورونا بڑے پیمانے پر اور تیزی سے پھیل رہا ہے، انہوں نے مزید کہا کہ ابھی کچھ یقین سے نہیں کہا جا سکتا لیکن ایسا محسوس ہو رہا ہے کہ یہ دنیا میں کورونا کا اگلا گڑھ بن سکتا ہے، جان ہاپکنز یونیورسٹی کی اعدادو شمار کے مطابق امریکا میں اب تک کورونا کے 46000 سے زیادہ تصدیق شدہ کیسز سامنے آ چکے ہیں جبکہ چھ سوسے زائد اموات ہو چکی ہیں۔ ابھی یورپ بحران کا شکار ہے اور اٹلی میں دنیا بھر میں سب سے زیادہ اموات ہوئی ہیں۔