امریکا کا دہرامعیار، پاکستان مذہبی آزادی پامال کرنیوالا ملک،بھارت کو کلین چٹ

مذہبی آزادی کی خلاف ورزی کرنے والے ممالک میں چین ،ایران ،سعودی عرب بھی شامل،بھارت کا نام شامل کرنے کیلئے کمیشن کی سفارشات مسترد
امریکا نے سوڈان اور ازبکستان کا نام خصوصی نگرانی کی فہرست سے ہٹا دیا ،لشباب ، القاعدہ ، بوکو حرام کے ساتھ حوثی ملیشیا بھی 39خصوصی تشویشناک تنظیم قرار
نیویارک(نیوز ڈیسک): امریکا نے پاکستان پر کاری وار کرتے ہوئے اسے مذہبی آزادی کی خلاف ورزی کرنے والے ممالک کی فہرست میں شامل کرلیا جبکہ حوثی ملیشیا کو خصوصی تشویش کا باعث بننے والی تنظیم قرار دے دےا ہے،امریکی محکمہ خارجہ نے پاکستان اور چین کے علاوہ میانمار ، اریٹیریا ، ایران ، نائیجیریا ، شمالی کوریا ، سعودی عرب ، تاجکستان، ترکمانستان،کوموروس ، کیوبا ، نکاراگوا اور روس کو اس فہرست میں شامل کرلیا ہے جو مذہبی آزادی کی منظم ، مستقل اور سراسر خلاف ورزیوں میں ملوث ہیں یا خلاف ورزی ہونے دے رہے ہیں ، الشباب ، القاعدہ ، بوکو حرام ، حیات تحریر الشام ، حوثی ملیشیا،داعش، داعش گریٹر سہارا، داعش ویسٹ افریقہ ، جماعت ناصر الاسلام والمسلمین اور طالبان کو ;39;خصوصی تشویشناک تنظی میں ;39; قرار دیا ہے، گذشتہ ایک سال کے دوران سوڈان اور ازبکستان حکومتوں کی جانب سے کی گئی قابل ذکر اور ٹھوس پیشرفت کی وجہ سے انہیں خصوصی نگرانی کی فہرست سے ہٹا دیا ہے، محکمہ خارجہ نے ہندوستان ، روس ، شام اور ویتنام کو سی پی سی کی فہرست میں شامل کرنے کیلئے کمیشن کی سفارش کو قبول نہیں کیا،امریکی وزیر خارجہ کا کہنا ہے کہ مذہبی آزادی ایک لازمی حق ہے اور آزاد معاشروں کی اساس ہے جن پروہ پھلتے پھولتے ہیں ،امریکا نے ایک بار پھر ان لوگوں کی حفاظت کے لئے اقدامات کیے ہیں جو یہ آزادی چاہتے ہیں۔پومپیو نے کہا کہ۔ انہوں نے کہا ،قانون کی جرات مندانہ اصلاحات کی وجہ سے ، یہ ممالک دوسری اقوام کے لئے مثالی ہیں ،امریکی وزیر نے کہا کہ یہ کام ابھی تک پورا نہیں ہوا ہے اور امریکہ دنیا بھر میں مذہب کے نام پر ہونے والی زیادتی اور ظلم کو ختم کرنے کے لئے انتھک کام جاری رکھے گا